"PAULIN, DANNY! PLEASE, open the door!" sunod-sunod na sigaw ni Blaire habang kinakalampag ang pinto ng apartment ng dalawa.
Halos mag-iisang minuto na niyang ginagawa iyon pero hindi man lang binubuksan ng mga ito. Kahit masakit ang mga kamay, hindi niya nagawang tumigil. Gusto niyang umuwi sa bahay nila pero natatakot siya sa daddy niya dahil baka lalong magalit ito. Niloko na naman siya ni Sergio at baka umabot sa punto na mapatay na ito ng daddy niya dahil sa galit.
"Paulin, please, open the door," umiiyak na niyang sabi.
"Miss, sinong hinahanap mo?"
Bigla siyang natigilan nang marinig iyon. Humarap si Blaire rito at bumungad ang isang pamilyar na tao. If she's not mistaken, ito iyong landlady dito sa apartment na tinutuluyan ng mga kaibigan niya. At kung hindi rin siya nagkakamali
