"BLAIRE, ITO NA ang pagkain mo."
Nag-angat ng mukha si Blaire nang marinig iyon. Nakita niya si Manang Tina na palapit sa kaniya habang may hawak na isang tray ng pagkain. Bumalik ulit ito rito sa bahay nila nang malaman nito ang sitwasyon— na hiwalay na ulit sila ni Sergio.
Agad na naglayo si Blaire rito. Ibinalik niya ang tingin sa may bintana. "Wala akong gana, Manang Tina. Ilabas niyo na lang po iyan dahil hindi ko po iyan makakain," walang emosyon niyang saad.
"Blaire, kailangan mong magpalakas para sa anak mo. Gusto mo bang magkaroon ng problema ang iluluwal mong anak?"
Napatingin siya rito. Ipinatong nito ang tray sa may paanan niya. Marahas na nagpakawala ng hangin sa bibig si Blaire saka ibinaba ang mga paa sa lapag kapagkuwan ay tumayo siya at naglakad palapit sa bintana.
"A
