"WHERE AM I?"
"Nasa hospital ka, Blaire."
Natigilan na lang si Blaire nang marinig iyon. Dahan-dahan niyang binalingan ang nagsalita at nanlaki ang mga mata niya nang makita si Sergio. Agad siyang napaatras sa kinauupuan. Anong ginagawa niya rito? Inalala ni Blaire ang nangyari. Nahimatay siya. Pero bago siya mawalan ng malay, may nakita siyang tumigil na kotse sa harap niya at lumabas doon ang isang tao. Matapos noon, hindi na niya alam ang nangyari. Nang magising siya kanina, bumungad si Sergio sa kaniya. Sinubukan niyang umalis pero hindi niya kinaya. Sumakit ang tiyan at nawalan ng malay sa ikalawang pagkakataon.
"Kailangan ko nang umalis! I don't wanna stay here anymore," aniya saka inalis ang kumot sa kalahating katawan niya. Handa na siyang bumaba nang pigilan siya ni Sergio. "Wh
