"BLAIRE, MAY BISITA ka."
Natigilan na lamang si Blaire sa malalim na pag-iisip nang marinig niya iyon. Nang bumaling siya sa pinto, nakita niya si Manang Tina. Agad na nangunot ang noo niya. Bisita? Sino naman kaya iyon?
"Sino po, Manang Tina? Kung puwede papasukin niyo na lang po rito. Hihintayin ko po siya."
Imbes na sumagot, sinarado nito ang pinto, at tumalikod. Marahas na nagpakawala ng hangin sa bibig si Blaire saka marahang tumayo sa kama at lumapit sa nakabukas na bintana. Hindi niya alam pero nakasanayan na niyang palaging tumingin sa bintana. Siguro rito siya masaya kasi noong nasa ikalawang palapag pa lang ang kuwarto niya, wala yatang araw ang hindi siya tumitingin sa labas ng bintana. Nasa baba na nga pala ang kuwarto niya.
Mayamaya pa ay bigla na lang niyang narinig ang p
