NAHULI ko ang gulat sa mukha ni Corabelle Cabrera nang makita ako pagbukas pa lang nito ng gate.
“A-anong ginagawa mo rito?”
“Nandiyan ba si Jessie?”
“Wala!” mabilis na sagot nito. “Wala siya rito. Makakaalis ka na!”
I nodded. Alam ko talaga na wala roon si Jessie dahil nasa party pa ito ni Vivian. “Actually, gusto rin sana kitang makausap kaya ako pumunta rito.”
Natigilan sandali ang kapatid ni Jessie. “Bakit pa? Gabi na, Mr. Urbano. Isa pa, wala tayong kailangang pag-usapan.”
“Marami kang dapat ipaliwanag sa’kin, Miss Corabelle.”
Umismid ito at tuluyang lumabas ng gate para harapin ako. “Talaga ba? At anong ipapaliwanag ko sa’yo? May atraso ba ako sa'yo? O sa pamilya mo? May kasalanan ba ako sa’yo? Sa pagkakatanda ko kasi ikaw ‘yong gagong nanloko sa kapatid ko!”
“I didn’t mean
