Maganda ang mood ni Althea pagpasok niya sa kanilang klase, bukod kasi sa hindi na siya sinisermunan ng ama sa almusal ay magaan pa ang pakiramdam niya kaya nagawa niyang mag-ayos ng sarili. Palagi kasi siyang late magising kaya halos suklay na lamang ang ginagawa niya, katuwiran niya ay maganda naman na siya kahit walang make-up.
"Aba, mukhang ayos na ayos tayo ngayon, ah, saan ba ang sagala?" natatawang biro ni Beatriz sa kanya.
"Huwag mo akong simulan, maganda ang mood ko," bara niya sa kaibigan.
"Wow! Taray, girl," anito nang bumungad naman si Danica na tila nagmamadali ngunit napatigil nang makita siya nito.
"Aba, himala, maaga ka yata at mukhang pinaghandaan mo pa ang pagpasok," palatak nitong turan.
"Nag-ayos lang ako konti," ingus sa mga kaibigan.
"Sayang, mukhang hindi masis
