Pagkatapos ng ilang oras na pakikipagbakbakan nina Bryle at Esha sa loob ng inakupadong kwarto ng hotel ay bumaba sila doon at kaagad na nagtungo sa restaurant na nasa baba lang nito. Masaya silang pumasok doon habang magkahawak ang kanilang kamay. Hindi gano'n karami ang taong kumakain sa loob niyon na mas lalong ikinatuwa ni Esha.
At dahil alas-syete na ay hindi na rin sila nagtagal pa. Muli ay magkahawak ang kanilang kamay na lumabas sa restaurant. Ang kanilang sasakyan ay nasa harap na ng hotel at nakahanda na. Sa pagkakataon na iyon ay si Bryle na ang magmamaneho dahil nga gabi na at wala pa silang bantay na kasama. Nakangiting nagkatingin ang mag-asawa bago siya pinagbuksan ni Bryle ng pinto.
"Thanks for today, baby. Alam kong araw ng pahinga mo ngayon pero inilabas mo pa rin ak
