KIERA POV
Malakas na tumitibok ang aking puso habang dahan-dahan kaming naglalakad patungo sa pintuan. Mabilis na pumunta sa harapan ang isa sa mga naka-itim na lalaking bantay ko at saka binuksan ang pintuan. Nagugulat na napatingin sa kanya ang nakabantay na guard doon ngunit hindi rin nagsalita. Kinakabahan na ngumiti ako sa lalaking may edad na ngunit matikas pa rin ang pangangatawan nang tumapat kami sa pintuan na binuksan niya.
Pagtungtong ko pa lang sa loob ng mataas ng gusali ay kaagad nang napatingin sa gawi ko ang ilang emplyado na naroon. Ilan sa kanila ay napatigil pa sa kanilang ginagawa at nagtataka ang kanilang mga mata na nakatingin sa amin. Ramdam ko ang panlalamig ng aking mga kamay at kinakabahan sa dahil sa paraan ng kanilang titig. Inayos ko ang mahaba kong buhok na
