MALUNGKOT na tinanaw ni Eric ang asawa na papalayo. Parang gusto niyang sundan ito at yakapin nang mahigpit. Para siyang mababaliw sa sobrang pagka-miss dito. Never niyang naranasan ito kahit sa huling relasyon niya. Kaya nga ilang beses na niyang nasabi sa sarili na totoong pag-ibig ang nararamdaman niya para kay Dana.
Sa totoo lang, hindi niya alam kung paano ito suyuin. Wala na siyang kasabwat. Kailangan niyang kumilos na lang mag-isa para lang masundan ito at malaman ang mga pinaggagawa. Napakahirap pa naman nitong palambutin. Matagal-tagal na salangan sa init siya nito bago mapalambot ang asawa.
Hindi naman niya kasi ini-expect na mangyari iyon sa mismong kaarawan niya. May magandang balita ngang nakarating pero may kapalit naman kaagad, nawala sa kanya ang mag-ina niya dahil sa ma
