“PASENSYA na po kayo sa akin, Mr. Smith. May naalala lang akong nakakatawa bigla.” Sinapo pa niya ang bibig dahil muntik na namang kumawala ang tawa. Hindi lang niya inakala na pupunta ang mga ito, hahanapin siya para lang makita ang anak.
Inayos niya ang tayo kapagkuwan.
“Ano nga po ulit ang sadya niyo rito?” aniya ulit.
“Si Maliyah. Gusto namin siyang makita. Maaari ba?”
Kunwa’y natigilan siya. “Bakit niyo ho gustong makita ang anak ko?”
“Alam na namin ang sekreto mo, Dana, na anak ni Eric si Maliyah. Ibig sabihin, apo namin siya,” lakas loob na sabi ng ina ni Eric.
Expected na ito kasi nga dahil sa iniwan niyang regalo sa anak nito.
“Pasensya na ho. Hindi ako ang makakapagdesisyon niyan, si Ate Diane at Kuya Zeke pa po. Sila kasi ang guardian ng anak ko. At may kasalanan din
