“AREN’T you going to defend yourself? Aalis ka na lang basta?” Napatigil na si Dana sa paghakbang nang marinig ang boses ni Mayor Eric. Kanina pa ito nakasunod sa kanya pero hindi niya pinapansin. Alam niyang nakita na ito ng kapatid kaya sinabihan na siya nito na bilisan ang lakad.
“‘Wag mo akong sagarin, Dana. Lumakad ka na sabi!” sigaw ni Dane sa pangalawang pagkakataon. Hinatid nito ang anak sa chopper na naghihintay sa kanila.
Tumingin siya sa kapatid. “Sandali lang ako, Kuya. Promise.” Ngumiti siya rito. Kita rin sa mga mata niya ang pakikiusap.
“Magpapauto ka na naman ba, huh? Hindi pa ba malinaw sa ‘yo na ayaw sa ‘yo ng magulang niya? Kaya bakit mo ipagsisiksikan ang sarili mo sa kanya? Hindi niyo deserve ni Maliyah ng ganyang lalaki na bahag ang buntot. Ang hanapin mo, ‘yong ka
