SAKTONG pagdating ni Ashley sa sala ay dumating si Seth. May dala itong dalawang tray na itlog na kulay pula. Natuwa siya. Salted eggs ang dala nito. Sinundan niya ito sa kusina.
"Are you bored?" tanong nito nang mailapag ang tray ng itlog sa mesa.
"Maybe. Gusto ko nang lumabas sana," aniya. Nakatayo lang siya sa tapat nito.
"Later if hindi na mainit. Pupunta tayo sa farm," nakangiting sabi nito. Kumuha naman ito ng isang tray ng puting itlog na malalaki. "We will make mayonnaise, right?" anito.
Excited na tumango siya. Una'y tinuruan siya ni Seth kung paano mag-separate ng yolk sa egg white na walang separator. Mano-mano lang.
"Kailangan walang mahalong egg white para hindi malansa ang mayonnaise natin," sabi nito.
Magkatabi sila at parehong nakasuot ng puting apron. Madalas na duma
