Mabilis na tinungo ni Leon ang pinto habang si Santa at pumasok sa silid. Sumilip muna ito sa peephole bago buksan ang pinto at nakita niya si Nanay Estrella sa labas.
"O, nanay, may kailangan po ba kayo?" may kalakasang wika ni Leon upang ipabatid kay Santa na ayos lang itong lumabas.
"Wala naman, hijo, nagluto kasi ako ng estopadong baboy, gusto kong ipatikim sa inyo ang luto ko," nakangiting wika nito.
"Naku, salamat, 'nay babaunin na lamang namin ito. Babiyahe kasi kami papuntang Baguio," aniya sa matanda.
"Ganoon ba, happy trip kung ganoon," anito.
"Mag-iingat po kayo rito, may nahanap na po ba kayong makakasama mo? Mainam pa rin na makahanap ka para may gagawa ang mga bagay-bagay para sa 'yo," puno ng pag-aalalang wika ni Leon sa matanda.
"Nagpapahanap na ako sa dati kong katra
