Gigil na gigil si Brittany nang malaman sa dalawang tauhan na pinapunta niya sa bahay ng inutusan ni Margeaux na si Lailani matapos hindi ito sumipot sa usapan nila kahaponna wala ito roon at ayon sa kapitbahay daw nila ay mukhang nag-alsabalutan ang buong mag-anak.
"Puny*ta! Sinasabi ko na, e, sinasabi ko na!" bulalas niya sabay tingin ng masama kay Margeaux na siyang pumayag na pauwiin pa ang babaeng 'yon.
"What? It's not my fault, malay ko bang magtatago na ng kusa ang babaeng 'yon," palatak naman nito sabay labas ng case ng sigarilyo nito.
Mabilis 'yong hinablot ni Brittany sabay hagis kung saan.
"At sinong may kasalanan, ako, ganoon?!" bulalas sa kaibigan.
"What the h—" putol naman inis ni Margeaux sa ginawa ng kaibigan. "Ayaw mo noon, siya na mismo ang kusang nagtago, hindi mo
