Agad na napasugod si Santa sa may TODA ng tricycle sa kanto papasok sa kabahayan nina Lailani, alam niya kasing namamasada si Jeric. Ipinagtanong-tanong niya agad ito sa mga tricycle driver roon at kamalas-malasan ay wala na raw doon ang lalaki dahil ibinenta na nang may-ari ang tricycle na pinapasada nito.
Ngunit kahit papaano ay nagkaroon siya ng pag-asa nang marinig ang sinabi ng matandang tricycle driver na nakita niya kahapon si Jeric na napadaan doon.
Mabilis na nagtungo si Santa sa bahay na pinagdalhan ni Lailani sa kanya noon. Medyo nangangapa pa siya dahil minsan lang 'yon at nahihirapan siyang i-recall ang daan o bahay ng lalaking hinahanap.
Panay ang linga ni Santa, nagbabakasali na makita si Jeric ngunit tagaktak na ang pawis niya ay hindi pa rin malaman. Hindi rin daw kasi
