Pagkauwi ni Leon sa kanyang apartment ay mabilis na tinawagan si Santa upang makausap ito. Natitiyak niyang nagtatampo ito at mahabang paliwanag ang kanyang gagawin. Ngunit pag-dial ng numero nito ay hindi niya ito matawagan.
"Lowbat kaya siya?" aniya sa sarili kaya minabuting kumawa na muna ng sandwich upang maibsan ang gutom dahil sa maghapong meetings niya sa bagong management na hahawak sa kanyang kompanya at mga tauhan.
Nang matapos kainin ang sandwich na dala at maligo ay muli niyang sinubukang tawagan ang kasintahan sa pag-aakalang sa pagkakataong 'yon ay baka hawak na nito ang cell phone ngunit ilang beses niyang tinawagan pero hindi pa rin niya ito matawagan.
Nag-aalangan naman siyang tawagan si Celia dahil baka kung ano na ang isipin nito hinggil sa kanila ng kanyang anak.
"C
