Sa pangalawang pagdilat ni Santa ng mga mata ay nakitang titig na titig sa kanya ang ina ngunit nang mapansing gising na siya ay mabilis itong nag-iwas ng tingin.
"Inay," usal agad niya.
Tahimik ang ina at gaya kanina ay ayaw siya nitong kibuin.
"Inay kausapin niyo naman po ako," pakiusap niya rito.
Hindi pa rin kumibo si Celia hanggang sa isang malalim na buntong-hininga ang pinakawalan niya.
"Paano mo nagawa ito?" tanong na namutawi sa bibig ni Celia.
Napayuko si Santa at muling unti-unting tumulo ang mga luha niya.
"Pinilit ka ba niya? Pinagsamantalahan? Pinagbantahan?" bulalas ng ina sa posibleng ginawa ni Leon sa kanya upang mapapayag na makipag-s*x rito.
Mabilis na umiling-iling si Santa sa mga sinabi ng ina.
"Ano?!" bulalas nito na puno ng prustrasyon.
Tila ayaw bumuka ang
