Pagkatanghali ay nag-check out na sina Leon at Santa sa tinuluyan nilang board and lodging, sa labas na rin sila kakain bago bumiyahe pauwing Manila.
Hindi man naging maayos ang takbo ng buong bakasyon nila sa Baguio kahit papaano pa rin naman ay nag-enjoy sila at naging malaya kahit sa sandaling panahon.
Tiyak kasing sa pagbabalik nila ng Manila ay babalik na rin sila sa normal, babalik na si Santa sa bahay nila at baka madalang na lamang silang magkasamang dalawa. Idagdag pang baka sa susunod o sa makalawa ay lilipad siya patungong UK upang ayusin ang dapat niyang ayusin.
Tahimik na tahimik silang dalawa nang makapasok sa sasakyan ni Leon.
"Hungry?" basag na tanong ni Leon sa katahimikang namamayani sa kanila.
Umiling si Santa dahil hindi pa siya nakakaramdam ng gutom. Bukod kasi sa
