"Hindi ah. At saka paano mo naman nalaman ang pangalan ni Lester?" tanong ko.
"Rose, alam mo ba. Nakita ko si Lester noong nakaraan sa mall. Iyong first crush mo. Grabe! Ang guwapo niya lalo. Sabi niya treat daw niya tayo ng lunch, set ka daw ng petsa." Basa ni Ethan sa text ni Mae.
Wala akong makita na mali sa text ni Mae kaya naman nagtataka ako kung bakit madilim ang mukha ni Ethan.
"I'm jealous," mahinang sambit ni Ethan. Gusto kong maglulundag sa tuwa dahil sa sinabi niya. Ibig sabihin ba gusto na din niya ako?
"Bata pa ako no'n, crush ko lang naman," sabi ko.
Hindi siya sumagot.
"Huwag ka ng magselos. Nagaguwapuhan lang naman ako noon sa kaniya, siya lang kasi noon ang nay pinakamatinong mukha sa lugar namin," sabi ko at bahagyang tumawa.
"Kung hindi ka komportable, hin
