NAIS SANA ni Eros na magtanong o magbukas ng kahit na anong paksa na pupwede nilang mapag-usapan mag-asawa habang nasa byahe pauwi, ngunit mas minabuti niyang manahimik na lamang dahil tila ba yata wala sa mood ang asawa at tiyak na susungitan lamang siya nito kung magpapatuloy. At gaya ng iniisip niya, hanggang sa makauwi sila ay hindi ito nagsalita o umimik man lang. Tahimik lamang ito sa buong byahe at ang atensyon ay nasa labas ng sasakyan.
ㅤ ㅤㅤ ㅤ ㅤㅤ ㅤ ㅤㅤ ㅤ
Nang makauwi ay dumiretso ito sa kanilang silid at doon ipinagpatuloy ang pagpapahinga. Siya naman ay sinubukang abalahin ang sarili sa kusina. Nagpakulo na lamang siya ng mainit na tubig at nag-order ng makakain sa labas. Hindi niya naman gustong lumaki ang tiyan ni Mauve nang puro pagkain sa labas ang kinakain, ngunit anong m
