IKINUWENTO ni Eros nang buo ang nangyari sa kanila ni Mauve. Idinetalye niya ito upang ipaalam sa kapatid kung tama nga ba o hindi ang kaniyang mga ginawa. “Pagkatapos naming magtalo, pumasok siya sa kuwarto at doon ako nakarinig ng ingay. Pagpasok ko wala na siyang malay.” Isang malalim na buntong hininga ang kaniyang pinakawalan. Inihilamos ang kaniyang mga palad sa mukha. “Sa inis ko hindi ko na naisip ang mga pinagsasabi ko sa kaniya.”
ㅤ ㅤㅤ ㅤ ㅤㅤ ㅤ ㅤㅤ ㅤ
“Palagi naman kasing init ng ulo mo ang pinaiiral mo, bakit ba kasi hindi mo siya kinausap nang mahinahon at hindi ganoon, na halos pinagbibintangan mo na siya?” Napailing si Crescent. “Kahit kailan ka talaga. Kuya, hindi palagi na ang ibang tao ang mag-a-adjust para sa ‘yo. You have to control yourself, your emotions, your words. L
