MABILIS ang pagpapatakbo niya sa sasakyan ngunit matindi pa rin ang kaniyang pag-iingat sa byahe. Alam niyang hindi lamang siya ang nakasakay at kasama niya ang kaniyang mag-ina. Ayaw niya lamang magtagal sa kalsada dahil sasabog na siya. Pinigil niya muna ang sarili hanggang sa makauwi sila. Nagpatiuna siyang bumaba ng sasakyan at pumasok sa loob ng bahay pagkaparada ng sasakyan.
ㅤ ㅤㅤ ㅤ ㅤㅤ ㅤ ㅤㅤ ㅤ
“Eros, wait!” Bumaba si Mauve ng sasakyan. “Oh, God. Ano nanaman ba ‘to? Ano nanaman ang nagawa ko?” Hindi malaman ni Mauve kung galit ba siya rito. Natatakot tuloy itong pumasok sa loob ng bahay at sundan siya. Buong oras ng byahe ay hindi niya kinausap ang babae. Pag-alis pa lamang nila ng kumpanya ay alam na nitong mainit ang kaniyang ulo at hindi nito nais makipagsabayan.
ㅤ ㅤㅤ ㅤ ㅤㅤ ㅤ ㅤ
