“Yameru! (Tigil!)” sigaw ng isang sundalong hapon mula sa likuran ni Tobias habang siya ngay naglalakad ngayon sa gitnang daanan ng pamilihan.
Natigilan ito habang paunti-unting hinawakan ang baril na nasa kaniyang tagiliran. Lagi niya itong dala-dala bilang proteksyon kung sakaling malagay siya sa kapahamakan.
Marahan itong lumingon sa sundalong Hapon. Na ngayon ay kasalukuyang nakatutok ang baril nito kay Tobias.
Pinagtitinginan na sila ngayon ng mga taong nasa pamilihan. Ngunit base sa mga galaw nila at mga tinginan nila ay tila baga alam na alam na nila ang mga ganitong pangyayari.
Karamihan nga sa mga kababaihan ngayon sa pamilihan lalong lalo na ang mga dalaga ay nangagtago na sa loob ng mga pamilihan dahil sa bantang dala ng mga sundalong Hapon.
Kung minsan ay makakarinig
