"Kumusta ka na po, Daddy?" agad na tanong ni Tommy nang nakalapit sa kaniya ang nakalakhang ama.
"Daddy? Tinatawag mo pa rin akong Daddy kahit kailan man ay hindi ko nagampanan ang pagiging ama sa iyo. Saka nalaman mo na ang katutuhanan, Tommy. Hindi ako ang tunay mong ama, so bakit mo pa ako tinatawag na Daddy?" balik-tanong ng Don.
"Kung hindi ko nalaman ang katutuhanan maaring ganoon pa rin, Daddy. Kahit bali-baliliktarin natin ang mundo ay ikaw ang nagdala sa akin dito sa mundo. Maaaring hindi po ikaw ang nagbigay ng buhay ko ngunit ikaw po ang nagbigay sa pangalan ko. Habang-buhay ko po iyang tatanawing utang na loob, Daddy," tugon ni Tommy.
Sa unang pagkakataon ay wala siyang makapang hinanakit at galit sa ama. Hindi naging madali ang buhay niya sa piling nito dahil sinasaktan siy
