Kabanata 49:
Ilang oras din ang binyahe nila papunta sa pamilihan kung saan nabibili ang mga gamit na gagamitin nila sa digmaan. Akala nga ni Johnson ay wala nang katapusan ang byahe nila dahil sa tagal no’n, gabi na nang makarating sila.
Naunang lumabas si Brenda sa sasakyan, habang si Johnson ay halos manginig ang tuhod bago makababa sa sasakyan. Inalalayan pa nga siya ni Ulysses dahil baka hindi na talaga siya makababa. Madali lang umakyat pero ang pagbaba ay struggle.
Marami ang nakasinding lampara sa paligid. Madilim na at tanging iyon na lamang ang nagsisilbing liwanag. Tahimik lamang ang paligid at tanging ang mga sapatos lamang nilang suot na umaapak sa damuhan ang naririnig. Nang pumasok sila sa gate, bumungad sa kanila ang isang pamilihan. Kakaunti ang mga namimili dahil sigur
