Kabanata 58:
Matapos niyang kausapin si Brenda, kaagad siyang bumalik sa kanyang kwarto. Inasahan niyang maaabutan niya si Prinsesa Gladiola sa loob ng kwarto ngunit wala siyang naabutan kundi ang naglilinis ng sahig na si Ulysses.
“Anong nangyari?” takang tanong niya.
Nagkalat ang kanin at ulam sa sahig. Basag din ang plato pati na rin ang baso. Mukhang kahit na hindi niya na pala tanungin ay alam na niya ang nangyari.
“Pinaghahagis ni Prinsesa Gladiola iyong mga pagkaing dala niya. Galit na galit siya. Kanina para akong nakakita ng demonyitang mukhang anghel.” Tumigil ito sa pagpupunas ng sahig saka nag-angat ng tingin sa kanya. “Nakakatakot pala ang babaeng ‘yon. Hmm, hindi pa naman huli ang lahat, pwede ka pang umatras sa kasalan.”
Napailing si Johnson saka dinaluhan si Ulysses sa
