Kabanata 51:
“Maraming salamat po sa pagpapatuloy sa amin,” masayang pagpapasalamat ni Brenda sa mag-asawang Dencio at Nida.
“Naku Prinsesa Brenda, wala ho ‘yon! Masaya kami na nakatulong sa inyo,” sagot naman ni Dencio na ngayon ay malawak ang ngiting nakatingin sa kanila. “Basta ho galingan ninyo saa inyong laban. Ipinagdarasal namin na sana’y magtagumpay kayo para bumalik na ang sigla ng dating Infinita.”
“Makakaasa ho kayong gagawin namin ang lahat.” Si Archer naman na abala sa pagbubuhat ng mga gamit.
“Ipinapangako ho naming ipapanalo ang laban,” biglang sabi ni Johnson.
Napatingin silang lahat sa kanya. Ang tatlo ay tila hindi makapaniwala sa sinabi niya habang si Dencio at Nida ay natuwa sa kanya.
“Ganyang klaseng Hari ang kailanan ng Infinita, matapang at may paninindigan!”
