"WELL well... Sa palagay ko ay kumagat sa patibong ang mga mangmang," saad ng lalaki habang palakad-lakad.
"Kung ganoon ay dapat magsaya tayo, bossing. Hindi ba't iyan ang matagal mong pinapangarap?" patanong na pahayag ng kaharap.
Dahil dito ay tahimik siyang napatingin sa kinauupuan nito. Sa isipan niya ay tama ito subalit hindi sila maaring magkampante. Lalo at ang taong kalaban nila ay hindi nahuhulaan ang nasa isip.
"No, Linda. Masyadong maaga pa upang magsaya tayong lahat. Kahit pa sabihin nating totoo ang mga sinabi mo. Kilala mo naman siguro ang mga dati mong amo. Kahit kaharap mo sila ay wala kang mahuhulaan base on their movements. Kaya't mas mabuting maging handa," aniya.
"Sabagay tama ka riyan, bossing. Mas maganda na ang maging advance. Pero ano pala ang susunod nating hak
