"MOMMY, ano po ginagawa natin dito? Bakit po nila tayo ikinulong?" inosenting tanong ng isa sa kambal.
"Kaya nga po, Mommy. Akala ko po ba ay uuwi na tayo kay Daddy, pero bakit nandito po tayo sa lugar na mukhang bad guys ang nakatira?" dagdag tanong pa ng isa.
Kaya naman kahit walang kasiguraduhan kung may pag-asa pang makabalik sila sa mansion ay pinilit niyang pinasigla ang muka.
"Come to Mommy, kids. Dahil mayroon akong sasabihin sa inyo," aniya saka iminuwestra ang mga bisig.
Hindi naman siya nabigo dahil dali-daling lumapit ang mga ito saka yumapos ng kabilaan.
"Makinig kayong dalawa sa akin mga anak," aniyang pinaglipat-lipat ang paningin sa mga ito.
"Opo, Mommy. Ano po iyon?" tanong nilang muli.
"Sa oras na ito ay sigurado akong kumikilos na ang Daddy at mga Kuya ninyo upang
