Agad na tumayo si Tita Clover nang nakalapit na ako sa mesang inookupa nila. Nakatingin lang sa akin si Mr. Madrigal, si Josh. Si Jett ay tumingin pero agad ding nag-iwas ng tingin. Ibinaling niya ang atensiyon niya sa putaheng nasa mesa sa tapat niya. Samantalang si Hyacinth naman ay malapad na malapad ang ngiti, na para bang wala siyang naging kasalanan sa akin. HIndi ko pa pala siya nasisita.
"Athena! Come on, let's eat. Hindi pwedeng hindi mo ako pagbigyan. Ngayon lang ako maglalambing sa 'yo..."
Gusto ko sanang pagbigyan si Tita Clover, pero hindi sinasadyang napatingin ako sa kinauupuan ni Pamela na naka-tiger look sa akin ngayon. Ano na naman ba'ng problema nito sa akin?
"Ah, T-Tita..."
Bukod sa tiger look, ay kumunot ang noo ni Pamela nang marinig niya ang pagtawag ko kay Tiit
