Julianna
Pahaplos-haplos ako sa tiyan ko habang pinapanood si Jercie na abalang ina-assemble ang co-sleeper bed na bigla na lang niyang naisipang bilhin.
Kanina lang siya umalis. Nagpaalam siya na may bibilhin lang saglit at pagbalik niya, bitbit na niya ito.
Gusto ko sanang magreklamo. Hindi naman sa galit o naiinis ako, pero... may gusto lang akong sabihin. Pinipigilan ko lang.
Mukha kasing maganda ang mood niya ngayon, at bihira 'yon nitong mga nakaraang araw. Halos iwasan kasi niyang makipag-usap sa akin. Tahimik lang siya pero ramdam kong hanggang sa mga buto ang inis siya.
Ayaw lang niyang ipahalata.
Siguro dahil alam niyang isang linggo na lang, lalabas na si baby. Bukod pa roon, dito na nag-s-stay sina Mama dahil nga malapit na akong manganak.
Pero kung sakaling buksan ko an
