Julianna
I don't know how it happened, but I don't wanna ask questions about it.
Sure, ang daming tanong na umiikot isipan ko sa mga sandaling ito. Sa sobrang dami ay natutulala na lang ako sa kung saan habang nakaupo rito sa sala ng bahay na ilang minuto pa lang ang nakakalipas ay nadiskubre kong tahanan pala.
Tahanan ng taong matagal kong hindi nakita at nakasama, pati ng taong akala ko ay hindi ko na muli pang makikita.
May takot pa rin sa sistema ko--na baka kapag ibinuka ko ang mga labi ko at tinanong kung paano at bakit, mawala na lamang bigla itong babaeng nakahilig ang ulo sa may balikat ko habang nakayakap sa akin ang mga braso.
Ayokong mangyari iyon.
Ayokong matuldukan kaagad itong tuwang nararamdaman ko.
Ayokong matapos.
At sa loob-loob ko, umaasa ako na mayroon pang dal
