***EYRNA***
“Hi,” bati ni Dex at yumukod para halikan siya sa pisngi.
Hinintay ni Eyrna itong makaupo sa tapat niya. Naroon sila sa garden set.
“Why the long face?” agad na pansin ni Dex sa kanyang kalungkutan.
“Hindi pa nagpaparamdam si Kabhy mula kahapon. Nagkita na ba kayo? Pinuntahan ka na ba niya?” pag-amin niya sa kanyang ikinababahala. At kahit hindi niya makita ang mukha ay alam niyang kawawa ang kanyang hitsura.
“Don’t tell me hindi ka natulog kakahintay sa kanya?”
Tumango siya. Hindi talaga siya nakatulog kakahintay kay Kabhy. Nilamok na nga siya doon na nakaupo magdamag. Nakailang laklak na rin siya ng kape at pruweba ang tatlong mug na nakapatong sa lamesa.
Buong akala niya kasi ay pupuntahan siya ni Kabhy matapos nitong asikasuhin ang pagpapakulong kay Lailey. Akal
