***EYRNA***
“Matulog ka muna. Maawa ka sa sarili mo. Ako na ang bahala sa paghahanap kung nasaan si Kabhy. I will ask for help from everyone I know who has connections,” sumamo sa kanya ni Dex nang umalis na sila sa mansyon. Naroon na sila sa bahay na ibinigay nito sa kanila at nag-uusap sila sa may living room.
Sa kahilingin din niya ay halos anim na oras din silang naghintay doon kanina sa mansyon at baka biglang dumating sina Kabhy at Miguel. Subalit nangawit lang sila at lumuwa ang mga mata nila sa paghihintay ay wala pa ring Kabhy na dumating.
Si Veron ay nakitulong na rin kanina sa pag-contact kay Miguel ngunit sa tuwing tawag daw nito sa numero ng binata ay out of coverage area pa rin ang sinasabi ng operator.
Iyong kay Kabhy ang natatawagan pa rin magpahanggang ngayon subalit w
