***EYRNA***
Kanina pa siya gising, ayaw lang niyang bumangon. Wala naman siyang balak lumabas ng kuwarto kaya bakit pa siya babangon?
Pumikit na naman siya sabay yakap niya patagilid sa unan. Naisip na kung kailan at saan kaya niya makikita ang peace at happiness. Iyong hindi panandilaan lamang.
Kay sarap nga sanag bumalik sa Baryo Bissang lalo na at buntis siya. Ngunit alam niyang hindi na niya iyon magagawa. Totoong tahimik ang lugar na iyon pero kung lagi rin naman niyang maalala roon si Darion ay wala rin.
Saka lang siya napabangon nang makarinig ng mahihinang katok sa pinto. Ini-lock niya iyon nang umalis si Revo. Ayaw niyang may pumasok na wala siyang pahintulot, lalo na kung si Lailey o si Darion. Kahit na nasa iisa silang bahay ay ayaw niyang makita sila o makausap. Siya lang
