“Oh, kainan na!” masiglang saad ni Ymar.
Nakataas ang dalawa niyang kamay na mukhang tutulo pa yata ang laway habang nakatingin sa pagkaing nakahain sa harap namin.
“Anong kainan na? Bastos ng bibig mo. Mahiya ka, Ymar!” agad na sagot naman ni Isko.
Nagpalinga-linga pa ito sa paligid habang humahalakhak. Isang lumilipad na kubyertos ang agad na tumama sa noo nito. Maririnig sa buong mesa ang malakas na pagkalansing noon.
“Aray ko!” Tinaliman ng tingin ni Isko ang lalaki sa tabi ko. Nakangiwi ito habang hawak ang noong tinamaan.
“Dumi ng utak mo!” wika naman ni Bruno na siyang nagbato ng kutsara sa kambal.
“Ano 'to, traydoran? Mas mahal mo na si Ymar kaysa akin na siyang kambal mo? That hurts, bro!” Sinapo pa nito ang dibdib niya at umaarteng nasa
