“Pauwi na kami pero wala pa rin kayong napipili sa amin.” Napahinto kaming lahat nang marinig na magsalita si Alexander.
Buhat niya si Coco na isa rin sa mga medyo bata pa ang edad dito sa bahay ng ampunan. May ibinulong pa ito sa bata bago tiningnan isa-isa ang iba.
Bahagyang nakusot ang noo ko. Ano ang ibig niyang sabihin na pipili? Napansin ko rin ang pagkatigil ng mga bata ngunit kalaunan ay nagtalunan din ang mga ito.
“Oo nga po pala. Mabuti at pinaalala ninyo.” Ang pasimuno na si Karen ang sumagot.
Binulungan niya isa-isa ang mga nakababata na tinuring na rin niyang kapatid. Maya-maya ay nagulat na lang ako nang papuntahin niya sa gitna ang mga lalaki.
“Oh, may the best man win, ha?” Halakhak ni Ashton na nagpapatianod sa mararahang tulak nila Bre
