JORDAN
PATUNGO ako ngayon sa kuwarto ni Thanos upang linisin ang kaniyang sugat. Umalis kasi si Magnus upang may asikasuhin kaya sa akin niya binilin ang pag-aalaga rito. Gusto ko sanang tumanggi ngunit wala akong nagawa nang isumbat niya sa akin na akong ang may kasalanan kung bakit ito nasa ganoong kalagayan kaya marapat lamang na ako ang mag-asikaso rito. It's the least that I can do.
Hindi na ako nag-abalang kumatok nang makarating ako sa silid ni Thanos. Naabutan ko itong nakaupo sa kama at nakasandal sa headboard noon.
“I'm here to clean your gauze,” turan ko.
“Thank you,” payak niyang tugon.
Nakakabinging katahimikan ang namagitan sa aming dalawa habang sinisimulan kong linisan ang kaniyang sugat. Bagama't iniiwasan ko itong tingnan ramdam ko ang pagsunod ng kaniyang mga mata
