Five Years Ago
ALEX
“CONGRATULATIONS, graduates!“
Maririnig na pagbati mula sa speaker. Kasunod noon ay sabay-sabay naming inihagis sa ere ang aming mga toga hat, hudyat na tuluyan na naming natapos ang isang pahina ng aming buhay. Ngayon ay magsisimula na kaming tahakin ang panibagong landas patungo sa aming mga pangarap.
Malakas na hiyawan at halakhak ang maririnig sa auditorium kung saan ginanap ang aming pagtatapos. Hanggang ngayon ay hindi pa rin ako makapaniwala na sa wakas ay nakapagtapos na ako ng pag-aaral.
“Oh, Lex, sama ka celebration party mamaya, ha?“ turan ni Ellyse, isa sa mga kaklase ko at malapit na kaibigan sa school.
“Oo naman. Ako pa ba?“ tugon ko.
“Asus! Anong ikaw pa ba, eh, lagi ka ngang MIA sa mga lakad natin. Baka naman mamaya hindi ka na naman payagan n
