"Apollo, anong ginawa mo?! Hindi mo kailangang manakit! Hindi si Owen ang may kasalanan kung bakit hindi kami nagpakita sayo kundi ikaw! Ikaw ang may kasalanan kung bakit ako umalis sa poder mo kaya wala kang dapat na sisihin kundi sarili mo lang. Oo may kasalanan din ako dahil nagtago ako sa place ni Owen pero wala siyang kasalanan dahil ako may kagustuhan niyon. Tsaka hindi mo kailangan saktan si Owen! Sa harap pa talaga ng anak natin, hindi mo man lang ba naisip kung ano ang mararamdaman ng bata?!" Galit na singhal niya kay Apollo.
Natigilan na naman ito habang nakatitig sa anak nila na noon ay hawak hawak ang kamay ni Owen habang pinapahid ang dugo sa gilid ng labi nito.
"Bad ka! Bad ka! Sinaktan mo si Uncle Owen! Ayoko sayo, umalis ka dito! Alis!" Umiiyak na sigaw ng kanyang anak
