NAPABALIKWAS nang bangon si Sarah nang marinig ang sunod-sunod na katok. Binalingan niya si Tristan, tulog na tulog pa rin ito. Halos kita na ang kahubdan nito dahil naitakip niya sa sarili. Pero hindi niya maiwasang tampalon ang noo dahil sa naganap na naman. Ang rupok niya!
Paano ba naman kasi, kahit na anong katauhan nito minahal niya. Kaya masisisi ba niya ang sarili?
Gumalaw ito at hinawi nito ang kumot kaya napalunok siya. Nakatayo na naman!
Inayos niya muna ang kumot dito saka ito ginising.
“M-may kumakatok sa labas.”
Papungas-pungas na naupo ito. Pero natigilan ito nang makitang mahigpit ang pagkakahawak niya sa kumot para takpan ang sarili.
“Morning, Pea.” Ilalapit sana nito ang sarili para halikan siya pero bahagya siyang lumayo.
“May kumakatok sa labas. Puntahan mo mun
