MAG-ISANG nakaupo si Tristan sa bahaging iyon. Ito ang unang gabi ng burol ng dating biyanan. Malungkot man siya sa pagpanaw nito pero masaya siya sa naiwang mga impormasyon nito.
Pagkagaling kanina sa bahay nila Sarah, agad na humingi siya nang tulong kay Supremo para paimbestigahan si Bunny at ang donor nito. Dahil hindi sakop ng Pilipinas ang lugar na iyon, kailangan niya nang tulong talaga ni Sebastian. Hindi biro ang koneksyon nito sa Europa. Saka Markesa ang pinag-uusapan dito kaya tutulungan siya nito. Parang unfinished business ito para kay Sebastian.
Wala siyang gaanong tulog nitong kahapon pero hindi niya ramdam ang antok. Dumeretso siya sa opisina. Naghihintay sa kanya ang secretary niya roon.
Hindi man nabanggit ng dating biyanan ang kumpanya nito pero kailangan niyang tingn
