“DAMN IT! Bakit siya bumaba nang hagdan?!” aniya nang mawala sa paningin niya ang babae.
“Habulin mo kaya at itanong?”
“Baliw!” aniya kay Viper.
Tama bang habulin niya para itanong? Oo, malakas ang pakiramdam niya kanina sa presensya ng babae, pero paano kung magkamali siya? Paano kung kalaban iyon? Mabuti kung nahawakan niya ang babaeng iyon ay oo. O ‘di kaya nahalikan. Kaya mahirap sabihin, e.
May nagsasabi sa isipan niya na si Sarah iyon pero hindi siya nagkaroon nang pagkakataon kasi na gawin ang gusto kanina. Paano kung ibang babae iyon tapos hinalikan niya? Eh, ‘di lalo siyang nagkasala kay Sarah! Sa dami ng kasalanan niya sa dating asawa, baka hindi na talaga siya nito bigyan nang pagkakataon.
Gustuhin man niyang sundan ang babae pero bumaba na lang siya.
“Wala pang update
