CHAPTER 36
SAGLIT na bumaba si Hillary pagkatapos niyang maligo. Iinom lang sana siya ng tubig pero naabala siya ng mga lasing na kalalakihan at pinilit siyang papagkantahin. Pagkatapos naman ng isang kanta ay umakyat na rin siya. Wala naman kasi ang mga babae roon. Paano ba naman na magpapakapuyat pa ang mga iyon ay dalawa ang buntis at si Larrah sa pagkakaalam niya ay manganganakin na.
Napapailing na nagbihis siya ng damit pantulog tapos ay sinilip ang kapatid niya at si Vin sa loob ng iisang kwarto.
Pamangkin din naman kasi ni Stephanie si Vin Rixor, ‘yon lang ay hindi pa niya nababanggit sa kapatid niya ang tungkol doon. Kapag lumabas na ang DNA result ay ipapaalam na niya kay Stephanie ang lahat, pati na ang sekreto niya. Alam niyang ang dalagita na lang ang magiging kakampi niya s
