CAMILLA
Parehong nakatingin sa akin ang dalawa kaya ang awkward tuloy ng pakiramdam ko. Tipid na ngumiti ako kay Jared bago bumaling kay Alexander na alam kong naghihintay sa sagot ko.
"Pwede ba kitang makausap sandali, Alex?" tanong ko na gumulat sa asawa ko.
"About what?" malakas at bigla ay tanong ni Jared sa akin.
"Sure," malaki ang ngiti na sagot ni Alex na inilapag ang hawak na tasa ng kape at tumayo na.
"Sweetheart?" tawag ni Jared na alam kong nagtitimpi at hindi maitago ang iritasyon.
"Sandali lang 'to, p'wede ka naman sumama kung gusto mo," baling ko kay Jared na lukot ang mukha pero sumunod rin naman.
Sabay-sabay kaming naglalakad papunta sa gilid dagat. Mas okay na ito dahil gusto ko rin naman matapos ang bangayan nitong dalawa. Ayaw kong umabot sa magkasakitan pa sila a
