CAMILLA
Parang bombang sumabog ang bawat salitang binitawan mommy habang panay ang tangka niyang pananakit kay Jared na nahuli naman nito ang mga kamay ng aking ina kaya lalo lamang siyang nagwawala at nagpupuyos sa galit.
"Kung pinagtangkaan man ni Carlo ang buhay ninyo, kulang pa 'yan sa atraso ng demonyong tatay mo sa pamilya ko!" malakas na sigaw ni mommy kay Jared habang nagwawala at hysterical sa galit.
Hindi ko malalaman kung ano ba ang dapat na gagawin ko habang nakikita ko ang nangyayari sa harap ko. Daig ko pa ang napako sa kinatatayuan ko matapos tumayo at nagtangkang lumapit sa kanila pero pinigilan ako ni Yaya Beth.
"Dapat matagal nang sinusunog ang kaluluwa ng tatay mo sa impyerno, sampu ng buong pamilya mo!" maanghang na tungayaw ni mommy.
For the first time, nakita ko
