CAMILLA
Panay sila asaran at nakikisali rin si Samantha na mukhang malapit pala talaga sa kanila. Siguro kung nandito si Amara tahimik siguro ang mga ito dahil seryoso sa buhay ang isang iyon at hindi p'wede ang gaya nilang puro kalokohan.
"Alam ninyo, nagtataka talaga ako kung bakit kayo narito at sabay-sabay pa," narinig kong sabi ni Samantha matapos ibaba ang baso ng malamig na tubig na hiningi nito kay Wendy kanina sa center table na nasa harap niya.
"Well, ikaw lang ang inaalala namin. Alam mo na, malaking balita ngayon ang nangyari sa kasal mo at hindi ka naman namin p'wedeng pabayaan at baka kung ano na naman ang gagawin mo," agad na sagot ni Alexander na kahit panay ang pambabara sa kan'ya ni Samantha ay balewala dito.
"Buhay pa ako kaya p'wede na kayong umuwi. Isa pa, wala ako
