PAGDATING namin sa ospital ay agad na tiningnan si Baby Cedric ng doctor. Pero hindi naman daw seryoso dahil normal na lagnat lang. Kaya naman niresetahan lang kami ng doctor ng gamot na ipapainom namin kay baby Cedric para madaling maalis ang lagnat nito.
At ngayon ay palabas na kami ng ospital. Si Terrence na ang may buhat kay baby Cedric, habang ako naman ay bitbit lang ang maliit na paper bag na naglalaman ng gamot.
Pagkapasok ko sa backseat ng kotse ay ibinigay na sa akin ni Terrence si baby Cedric at pumasok naman ito sa unahan ng kotse, naupo sa driver seat.
“May gusto ka bang ipabili? Kainin?” Terrence asked me. Pinaandar na nito ang kotse paalis ng ospital.
“Wala naman,” pag-iling ko. “Nga pala, Terrence, huwag mo na akong iuwe sa hacienda. Idaan mo na lang ako sa hotel, doon
