KAHIT anong gawin kong pagpapatahan kay Baby Cedric ay talagang ayaw pa rin nitong tumahan sa pag-iyak. Nang kapain ko ang noo ay napakainit, mataas ang lagnat.
Dali-dali akong lumabas ng kuwarto habang buhat buhat ang umiiyak na si Baby Cedric. Sa kakamadali ko sa pagbaba ay muntik pa akong madulas sa hagdan, buti na lang ay agad kong nabalanse ang katawan ko kundi ay baka nahulog na kaming dalawa.
Nang tuluyan nang nakababa ay agad akong dumiretso sa terrace kung saan naroon si grandma nakaupo at nakikipagkwentuhan kasama ni Natasha.
“Grandma! Grandma!” hunahangos kong pagtawag.
Agad namang napalingon sa akin si grandma. “Oh bakit? Ano'ng problema?” Bahagya pang kumunot ang noo nito.
“Ah k-kasi po si baby Cedric nilalagnat! K-kailangan po natin siyang madala sa ospital ngayon din!”
