HINDI ako makapaniwala na nagawang paputukan ni Clark si Terrence ng baril.
Hanggang ngayon ay parang nasa-shock pa rin ako dahil sa nangyari kagabi. Buti na lang talaga ay hindi natamaan si Terrence. Ang tangka ko sanang pagsama dito ay hindi ko na itinuloy pa dahil nga sa ayaw din pumayag ni Clark. Wala na rin akong nagawa kundi itaboy na lang si Terrence pauwe, dahil pag magtagal pa ay baka may hindi na magandang mangyari.
Pagkaalis ni Terrence ay patakbo na akong umakyat ng kuwarto at agad na ni-lock ang pinto. Rinig ko pa ang pagtawag ni Clark sa akin pero hindi ko na ito pinagbuksan pa. Natulog na lang ako at hinayaan na lang siya sa pagkalampog sa pinto.
At ngayon ay narito na kami ni Clark na nakaupo sa loob ng kusina habang kumakain ng lunch. Pareho kaming walang imikan na para
